Një i ri shqiptar 24 vjeç humb jetën në aksident në Itali.
Sipas medias italiane aksidenti ka ndodhur mbrëmë pak para kryqëzimit për Castelbellino ku shqiptari me iniciale F. K. duket se ka humbur kontrollin e makinës BMW-së dhe më pas është përplasur. Mësohet se ai po kthehej në shtëpi, por fatkeqësisht humbi kontrollin e automjetit dhe gjeti vdekjen në moshë fare të re.
Zjarrfikësit dhe ambulanca mbërritën me urgjencë në vendngjarje, por çdo përpjekje për ta mbajtur në jetë rezultoi e pasuksesshme për të riun shqiptar. Për nxjerrjen e trupit të pajetë nga kabina u deshën disa orë.