Një i vdekur dhe pesë të plagosur rëndë është bilanci i aksidentit tragjik të ndodhur mbrëmjen e sotme në fshatin Belorta të Korçës.
Viktima është Elvis Mizaku, 36 vjeçar nga fshati Rov i bashkisë së Maliqit.
Dy automjete janë përplasur kokë më kokë me njëra-tjetrën.
Siç shihet edhe nga pamjet, përplasja ka qenë aq e fortë sa automjetet janë shkatërruaar, ndërsa njëra prej makinave ka përfunduar në anë të rrugës.
Dyshohet se shkak i ngjarjes së rëndë është bërë një manovër e gabuar nga njëri prej mjeteve të përfshira në aksident.
https://youtu.be/6YUnm3hsZfA
NJOFTIMI I POLICISË:
Korçë/Informacion paraprak
Më datë 04.02.2024, rreth orës 17:20, në aksin rrugor “Bilisht-Korçë” në afërsi të fshatit Belorta, Korçë, automjeti tip “Hyundai” me drejtues shtetasin N. M., është përplasur me automjetin tip “Volkswagen” me drejtues shtetasin V. M. Për pasojë, janë dëmtuar 5 shtetas, ndërsa 1 tjetër ka mbetur i bllokuar në mjet dhe po punohet me shërbimet zjarrfikëse për t’a nxjerrë.
Të lënduarit po tranportohen në spitalin e Korçës për ndihmë mjekësore.
Grupi hetimor po punon për përcaktimin e shkaqeve të aksidentit.
