Shkojnë për të blerë shtëpi, por bien pre e agjentit që i drogon dhe i përdhunon gruan.
Policia italiane ka vënë në pranga një agjent imobiliaresh pas një akti të shëmtuar gjatë ushtrimit të detyrës.
Ai akuzohet se drogoi një çift e më pas përdhunoi gruan teksa donte t’i shiste një shtëpi.
Kjo ka bërë që policia të hetojë gjithë kontaktet e burrit për të konstatuar nëse ka viktima të tjera.
Italiani u arrestua dje nga karabinierët me akuzën e dhunës seksuale pasi kishte droguar një çift të ri dhe kishte dhunuar gruan gjatë një takimi për blerjen e një shtëpie.
Hetuesit besojnë se ai ka abuzuar në të njëjtën mënyrë edhe me viktima të tjera.
Omar Confalonieri, i dyshuar për përdhunim është pronar i një agjencie imobiliare në Milano dhe ka në dispozicionin e tij apartamente dhe dhoma të shumta.
