Një aksident i rëndë raportohet të ketë ndodhur mbrëmjen e sotme në aksin Tepelenë – Gjirokastër, saktësisht në vendin e quajtur “Subash”.
Sipas informacioneve në aksident janë përfshirë dy makina, ndërsa bëhet me dije se ka të lënduar.
Policia dhe ambulanca janë nisur drejt vendngjarjes, teksa nuk dihen shkaqet e aksidentit si edhe gjendja e të lënduarve.
“Rreth orës 19:40, në aksin nacional Gjirokastër-Tepelenë, në vendin e quajtur “Kthesa e Subashit”, janë përfshirë në aksident rrugor automjetet tip “Audi”, “Volkswagen” dhe “Ford”, automjeti tip “Ford” pas përplasjes ka dalë nga rruga. Për pasojë kanë mbetur të dëmtuar drejtuesi i automjetit tip “Ford” dhe pasagjerja që ndodhej në këtë automjet, të cilët u transportuan për në spitalin Rajonal Gjirokastër për të marrë ndihmën mjekësore.” – njofton policia.
Në vendngjarje ndodhet grupi hetimor dhe po punon për zbardhjen e shkaqeve të aksidentit.
