Një aksident i rëndë ka ndodhur pasditen e sotme në fshatin Hamil të Fierit, ku një burrë ka humbur jetën dhe është plagosur vajza e tij 10-vjeçare.
Bëhet me dije nga njoftimi zyrtar i policisë se 55-vjeçari B. Hebeja ka humbur jetën pasi zetori ku po udhëtonte me vajzën e mitur ka rrëshqitur dhe ka rënë në një kanal. Motivi i aksidentit ka qenë lagështira në rrugë.
Ndërkohë policia njofton se e mitura është dërguar me urgjencë në spital dhe është duke marrë kujdesin mjekësor të nevojshëm.
