Një anije mallrash u përplas në një urë në qytetin kinez të Guangzhou herët të enjten, duke zhytur pesë automjete, përfshirë një autobus publik në lumë. Nga aksidenti humbën jetën dy persona dhe një i plagosur.

Tre janë ende të zhdukur, thanë media shtetërore. Imazhet në transmetuesin e kamerave të sigurisë tregojnë një pjesë të urës të thyer, me anijen të bllokuar nën të.

Anija nuk dukej se po transportonte mallra. Ngjarja ka ndodhur në orën 05:30 me orën lokale. Kapiteni i anijes është ndaluar dhe njerëzit përreth zonës janë evakuuar, sipas mediave lokale, duke cituar autoritetet e qarkut.

Sipas raportimeve, kompania që zotëron anijen tha se po bashkëpunon me hetimin. Një raport citoi një banor të thoshte se furnizimi me ujë dhe shërbimi i internetit në lagjen e tij ishin pezulluar.

Në tetor 2021, autoritetet provinciale kishin identifikuar nevojën për të përforcuar urën, duke përfshirë ndërtimin e “objekteve për shmangien e përplasjeve” në katër kalatat e urës, raportoi CCTV. Afati për përfundimin e këtyre punimeve është shtyrë tre herë, së fundmi për në gusht të këtij viti, thuhet në raport.

Guangzhou shtrihet në deltën e lumit Pearl dhe një nga portet detare më të ngarkuara në Kinën kontinentale. Nansha, rrethi ku ndodhi incidenti, është porti me rritjen më të shpejtë në Kinën jugore, me vëllime të ngarkesave që rriten çdo vit që kur u hap në 2004.