Dalin pamjet e banesë së shkaterruar te oficerit te policise qe i vendosen tritol ne Shkoder.
Nga pamjet shihet qartë se ka qenë një sasi e madhe eksplozivi pasi janë shkatërruar dyer, dritare, mure dhe orendi. Po ashtu edhe mjeti tip Benz i parkuar para banesës.
Vukaj ka deklaruar se dyshimet e tij janë se vendosja e tritolit mund të jetë për shkak të detyrës, por nuk ka një ide konkrete se kush mund të jetë por këtë ngjarje e lidh me punën e tij.
“Nuk e di se kush mund të jenë autorët sepse nuk kam pasur konflikte ose kërcënime të drejtpërdrejta. Ajo që dyshoj është se mund të ketë ardhur për shkak të detyrës time”.
https://youtu.be/43IKUmbo6ps
Pëllumb Vukaj punon prej 27 vitesh në policinë e shtetit dhe ndër këto vite ka pasur detyra të ndryshme që nga aksionet e drogës, hetimet e vrasjeve dhe hetime të tjera të ngjarjeve të rënda. Dyshimet e policisë vendore të Shkodrës për momentin janë për shkak të hetimeve që Vukaj ka bërë për aksione të ndryshme droge, arrestimin e personave të ndryshëm që janë marrë më kultivimin dhe trafikimin e kanabisit.
Ngjarja ka ndodhur rreth orës 2:25 të mëngjesit në banesën e efektivit të policisë kur të gjithë ishin në gjumë. Brenda banesës kanë qenë edhe dy djemtë dhe bashkëshortja e tij. Shpërthimi i fuqishëm që është dëgjuar në gjithë zonën e fshatit Hot i Ri ku jeton familja e efektivit Vukaj i ka zgjuar menjëherë.
