Temperatura polare do mbërthejnë vendin në fundjavë dhe fillim javën tjetër.
Kulmi acari do e arrijë të martën ku temperatura do shkojë deri në -23 gradë Celsius. Kështu e parashikojnë stacionet e huaja meteorologjike.
Stacionet meteorologjike ndërkombëtare raportojnë se zona më e ftohtë gjatë këtyre ditëve do të jetë ajo mes Librazhdit dhe Bulqizës, ku në fshatrat Klenjë, Qarrishtë dhe Okshin pritet që termometri të zbresë deri në -23 gradë Celsius.
Në Librazhd të hënën parashikohet -16 gradë Celsius.
Në Vlorë për shembull, termometri pritet të zbresë nën zero, kurse në Durrës do të jetë vetëm 1 gradë Celsius.
