Një sërë zyrtarësh janë arrestuar në Sarandë. Mësohet se zyrtarë të IKMT, Legalizimeve, Hipotekës dhe pushtetit lokal në Sarandë kanë rënë në pranga.
Numri për të cilin janë miratuar masat është 13 persona, ndërsa deri tani janë shoqëruar 9 persona.
Këta zyrtarë dyshohet se kanë favorizuar ndërtime pa leje në Ksamil, Sarandë dhe zonën e Plazheve.
Ky hetim është nisur nga Policia dhe Prokuroria Sarandë.
Burime për Vox News bëjnë me dije se urdhrat e arresteve përfshijnë ish-drejtues te ASHK Sarandë, ish-shefa sektorësh ne ASHK, ish-punonjës dhe punonjës në ASHK, punonjës dhe ish-punonjës të IMT Bashkia Sarandë dhe ish-punonjës të IKMT Sarandë.
