Gjatë orëve të vona të mbrëmjës së djeshme, është përfshirë nga flakët lokali i reperit të njohur, Rigels Rajku (Noizy), në Durrës.
Mësohet se shkak për zjarrin është bërë një shkëndijë elektrike që ka sjellë edhe pezullimin e biznesit për një kohë të pacaktuar.
Lajmin e ka konfirmuar edhe policia, e cila njofton se lokali është në pronësi të Bashkim Rajkut, i ati i reperit.
Njoftimi i Policisë:
Durrës/Informacion paraprak
Në orët e para të mëngjesit të sotëm, në lagjen nr. 1, ka rënë zjarr në lokalin në pronësi të shtetasit B. R.
Si pasojë e zjarrit ka vetëm dëme materiale.
Grupi hetimor në bashkëpunim me Prokurorinë, vijon punën për sqarimin e rrethanave të këtij rasti, si dhe për përcaktimin e shkakut të rënies së zjarrit.
