Greqi- Një shqiptar akuzohet për përdhunim, ndërkohë kur një 38-vjeçare kishte shkuar vetë në banesën e tij pasi ai e ftoi për kafe.
Ngjarja ka ndodhur në Kretë.
Sipas informacioneve të cretapost, më 15 gusht, një 45-vjeçar shqiptar e ka ftuar 38-vjeçaren në shtëpinë e tij për të pirë kafe.
Gruaja ka shkuar me dëshirën e saj në shtëpinë e tij në Ammoudara në orën 9 të mëngjesit. Por gjërat duket se kanë marrë një rrjedhë të papritur.
Sipas denoncimit, në një moment 45-vjeçari e ka hedhur me dhunë drejt shtratit të tij dhe e ka kapur nga qafa ndërsa ka tentuar ta përdhunojë.
Ajo fatmirësisht ia doli të shpëtonte nga duart e tij duke shmangur më të keqen, ndërsa shkoi në polici dhe e denoncoi, shkruan protothema.gr.
Pak orë më vonë, policia ka lokalizuar dhe arrestuar 45-vjeçarin, i cili siç u konstatua ndodhej në mënyrë të paligjshme në vend.
45-vjeçari është dërguar në Prokurorinë Publike, dhe akuzohet për veprën penale të përdhunimit të mbetur në tentativë. Mësohet se shqiptzari ka deklaruar se ajo erdhi me dëshirë për seks.
