Ngjarje e rëndë në Tiranë. Një grua 42-vjeçe mëngjesin e sotëm ka tentuar vetëvrasjen duke u hedhur nga kati i tretë i pallatit ku banon.
Burime për Noa.al bënë me dije se ngjarja ka ndodhur rreth orës 05:50 në një pallat në autostradën Tiranë – Durrës.
Gruaja është transportuar në spital dhe ndodhet në gjendje kritike për jetën.
“Në vendin e quajtur “Ardeno”, dyshohet se është vetëhedhur nga kati i tretë i pallatit ku banon, shtetasja D. P., 42 vjeçe” njofton policia e Tiranës.
Grupi hetimor ndodhet në vendngjarje dhe po punon për sqarimin e rrethanave të ngjarjes. Fillimisht janë marrë në pyetje familjarët.
