Një aksident me pasojë plagosjen e një të moshuari ka ndodhur mëngjesin e sotëm në autostradën Tiranë-Durrës.
Një mjet tip furgon ka përplasur një burrë të moshuar, teksa ky i fundit po kalonte në këmbë nga njëri krah tek tjetri duke kapërcyer trafikndarësen.
Ngjarja ka ndodhur pranë një pike karburanti, disa metra përpara se të mbërrish tek Ura e Dajlanit.
I plagosuri është transportuar në Spitalin e Durrësit me autoambulancë dhe paraprakisht raportohet se ndodhet në gjendje të rëndë.
Durrës/Informacion paraprak
Rreth orës 09:50, në segmentin rrugor “Durrës-Tiranë”, automjeti me drejtues shtetasin G. Xh., 21 vjeç, është përfshirë në një aksident me këmbësorin, shtetasin I. H., rreth 70 vjeç, i cili është në spital, në kujdesin e mjekëve, në gjëndje të rëndë shëndetësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
