Një 29-vjeçare britanike është mbytur ditën e sotme në Sarandë.
29-vjeçarja është me profesion zhytëse, ndërsa mësohet se është mbytur aksidentalisht teksa ishte në një ekspeditë zhytje profesionale. Viktima raportohet se është R. G., ndërsa ka gjetur vdekjen në vendin e quajtur “Vapori i mbytur”.
Njoftimi i policisë:
Më datë 19.09.2022, në vendin e quajtur “Vapori i mbytur”, Sarandë, dyshohet se është mbytur aksidentalisht në det, shtetasja angleze R. G., 29 vjeçe, e cila ka qënë në një ekspeditë zhytje.
Grupi hetimor po punon për sqarimin e plotë të rrethanave të ngjarjes.
