Të shtëna me armë zjarri janë raportuar rreth orës 16:00 të ditës së sotme, në lagjen “Salo Halili” në Shkodër.
Policia njofton se gjatë një konflikti të çastit është plagosur në kofshë me armë zjarri pistoletë shtetasi Jaser Osmani, 24 vjeç, i cili po merr ndihmë mjekësore në Spitalin Rajonal të Shkodrës dhe ndodhet jashtë rrezikut për jetën.
Policia ka identifikuar dhe vijon punën për kapjen e autorit të plagosjes së 24-vjeçarit. Falë veprimeve të shpejta në vendngjarje, grupi hetimor ka identifikuar autorin e dyshuar, një 46 vjeçar i identifikuar si Gentian Mithi, banues në Shkodër.
Shkodër/Informacion shtesë
Policia identifikon dhe vijon punën për kapjen e autorit të plagosjes së 24-vjeçarit.
Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër.
Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes.
