GREQI- 37-vjeçarja, nëna e të miturës së përdhunuar dhe prostituuar në Colonos është dërguar në burg pas faljes së saj në hetuesi ditën e sotme.
Sipas mediave vendase, e akuzuara për veprën e bashkëpunimit me tutorët në kurriz të vajzës së saj të mitur, ka mohuar gjithçka duke cituar edhe mesazhet që ka shkëmbyer me Ilias Michos, kur ka kuptuar, siç pretendon ajo, se çfarë po ndodhte me vajzën e saj.
37-vjeçarja, sipas informacioneve, ka qenë në gjendje të rënduar emocionale dhe ka qarë brenda në hetuesi. Madje, para se të fillonte falja e saj në hetuesi, një nga djemtë e saj, vajza e saj e madhe dhe tezja e të miturës kanë dhënë një deklaratë në zyrën e hetimit, të cilët kanë kuptuar fillimisht duke parë celularin e fëmijës se çfarë kishte ndodhur saktësisht.
Sipas raportimeve, hetuesja që trajton çështjen ka pyetur për katër transfertat me vlerë 110 euro në llogarinë e saj, për bisedat dhe mesazhet e saj me Ilias Michos dhe gruan e tij. Duhet theksuar se janë katër remitanca gjithsej dhe thuhet se vijnë nga dy persona. Nga këta, një person nuk është identifikuar dhe i dyti nuk është arrestuar.
