Vllaznia fitoi 0-2 në Korçë kundër Skënderbeut vendas, me ndeshjen që ishte hapëse për javën e nëntë në Superligë. Dhjetë minutat e fundit ishin vendimtare në këtë përballje, që në fillimin e saj u shoqërua nga një ngjarje jo e zakonshme. Presidenti i Skënderbeut, Ardian Takaj dhe i biri u goditën me grusht (VIDEO) në tribunën VIP të stadiumit nga i ati i një prej futbollistëve të Akademisë “Skënderbeu”.
VIDEO/ Skandal në Korçë, goditet me grusht në stadium presidenti i Skënderbeut Ardian Takaj dhe i biri
VIDEO/ Vllaznia fiton 0-2 kundër Skënderbeut, fund dramatik dhe autogol në Korçë! Goditet me grusht presidenti TakajSkënderbeu 0-2 Vllaznia
KORÇË – Vllaznia fitoi 0-2 në Korçë kundër Skënderbeut vendas, me ndeshjen që ishte hapëse për javën e nëntë në Superligë. Dhjetë minutat e fundit ishin vendimtare në këtë përballje, që në fillimin e saj u shoqërua nga një ngjarje jo e zakonshme. Presidenti i Skënderbeut, Ardian Takaj dhe i biri u goditën me grusht (VIDEO) në tribunën VIP të stadiumit nga i ati i një prej futbollistëve të Akademisë “Skënderbeu”.
Ndeshja filloi e ekuilibruar, me dy skuadrat që patën disa raste për shënim. Do duhej minuta e 36 që korçarët të mbeteshin me një lojtar më pak, kjo pas daljes me karton të kuq të mbrojtësit Elvis Prençi. Pjesa e parë do mbyllej pa gola, ndërsa gjithçka i ishte lënë fundit të sfidës.
Në të 84 minutë ishte Dwumfour që dërgoi sferën në portën e tij, për një autogol të çuditshëm. Kështu Vllaznia gjeti epërsinë dhe mori kontrollin e lojës. Në sekondat e fundit të ndeshjes, Antonio Delaj (90+5) dërgoi topin në rrjetë pas një goditje me të djathtën.
Kështu, Vllaznia merr tri pikët e para pas tre ndeshjeve “jo” dhe shkon në vendin e pestë me 12 pikë, po aq sa ka Skënderbeu që për shkak të golavarazhit mban vendin e gjashtë. Të diel dhe të hënë luhen katër ndeshjet tjera për javën e nëntë në Superligë.