Partizani “rrëmbeu” trofeun e Superkupës së Shqipërisë, pas triumfit 1-0 ndaj Egnatias. Në “Air Albania” vendosi një gol i Rrapajt, në pjesën e parë. Për të kuqtë, ky është suksesi i 3-të në histori, pas atyre të fituar në vitet 2004 dhe 2019.
I pari që ngriti trofeun ishte kapiteni Valentino Murataj, me festën në impiantin gjigand që ishte tërësisht e ligjshme. Partizani tashmë do të fokusohet në kampionat, teksa përballë do ketë Erzenin. Ndeshja është e programuar të luhet me 24 dhjetor.
Goli i Arinaldo Rrapajt erdhi pas një gabimi të portierit Sherri në pjesën e parë. Egnatia synonte ta bënte për herë të parë këtë trofe, por rrogozhinasit duhet të presin ende, pasi Partizani është fituesi i këtij edicioni të Superkupës. Të kuqtë e fitojnë për herë të tretë këtë trofe. Ku për herë të parë e kanë fituar në vitin 2004, ndërsa të dytin në verën e 2019-ës.
Tirana është rekordmenia e fitimit të trofeut të Superkupës, pasi këtë eveniment e ka fituar në 12 raste.
LIBRI I ARTË
I SUPERKUPËS
1989 – Dinamo
1990 – Flamurtari
1991 – Flamurtari
1992 – Elbasani
1993 – (nuk u zhvillua)
1994 – Tirana
1995 – (nuk u zhvillua)
1996 – (nuk u zhvillua)
1997 – (nuk u zhvillua)
1998 – Vllaznia
1999 – (nuk u zhvillua)
2000 – Tirana
2001 – Vllaznia
2002 – Tirana
2003 – Tirana
2004 – Partizani
2005 – Tirana
2006 – Tirana
2007 – Tirana
2008 – Dinamo
2009 – Tirana
2010 – Besa
2011 – Tirana
2012 – Tirana
2013 – Skënderbeu
2014 – Skënderbeu
2015 – Laçi
2016 – Kukësi
2017 – Tirana
2018 – Skënderbeu
2019 – Partizani
2020 – Teuta
2021 – Teuta
2022 – Tirana
2023 – PARTIZANI