Përmes një e-maili, Blushi ka njoftuar stafin e Top Channel se, katër vite pasi mori postin e Drejtorit të Përgjithshëm të Top Channel, do të largohet nga ky post:
“Duke nisur nga sot nuk do jem më në Top Channel. Me bindjen se sot po largohem nga një kompani më e shëndetshme, më e besueshme dhe më e madhe në krahasim me atë që gjeta para katër vitesh, ju uroj të gjithëve punë të mbarë. Ben Blushi,”- shkruhet në e-mail.
Pas largimit të Ben Blushit, reagon presidentja e Top-Channel, Vjollca Hoxha.
Presidentja e Top Channel, Vjollca Hoxha ka reaguar me një “e-mail” zyrtar pas largimit të Drejtorit të Përgjithshëm, Ben Blushit.
E-maili zyrtar nga Vjollca Hoxha dërguar stafit:
“Të dashur, Duke falënderuar z. Blushi për kontributin e tij në Top Channel rruga jonë e përbashkët vazhdon, në vigjilje të 20 vjetorit të shtëpisë sonë të dytë, drejt 20 viteve të tjera e më shumë që uroj të jenë po kaq të shkëlqyera në mos më tepër nga puna e secilit prej jush.
Top Channel do të vazhdojë të administrohet nga trashëgimtarët e atij që 20 vite më parë nisi një ëndërr e bukur që ju mbani gjallë çdo ditë Faleminderit Vjollca Hoxha”.
