Çmimi i naftës është rritur sërish gjatë dy ditëve të fundit në vendin tonë. Tashmë në pikat e karburanteve, nafta shitet deri në 187 lekë litri. Krahasuar me një muaj më parë, çmimi ishte 10 deri 15 lekë më lirë. Edhe benzina po shitet me të njëjtën vlerë, ndërsa çmimi i gazit ka mbetur i pandryshuar, në 89 lekë.

Theksojmë se ky është shtrenjtimi i gjashtë që po ndodh në tregun e hidrokarbureve brenda këtij viti. Në fillim të muajit tetor nafta shitej 177 lekë/litër. Ekspertët shpjegojnë se shkak për këtë rritje është bërë rritja e çmimit të naftës në tregjet ndërkombëtare, pasi një fuçi shitet 84.3 dollarë, pra 4.3 $ më shumë nga sa ishte.