Nënshkrimi i Cristiano Ronaldos për “Al Nassr”, nënkuptonte shpërnguljen e yllit portugez së bashku me familjen e tij në Riad, kryeqytetin saudit.

Mirëpo Arabia Saudite dikton disa ligje që që në fillim dukeshin se preknin Georgina Rodriguez. Problemi i parë lidhej me bashkëjetesën e saj me Cristiano-n, duke qenë se nuk janë të martuar. Pa përmendur pastaj stilin e saj të të veshurit.

Së fundmi një “përdorues i rrjeteve sociale” ka shfaqur dokumentin e qëndrimit të Gio-s në Arabinë Saudite, ku cilësohet si një “pronë” e Ronaldos.

“Një grua në Arabinë Saudite nuk mund të ketë asnjë lloj pavarësie apo autonomie, kështu që asaj iu dha titulli se i përket Cristiano Ronaldos”, vuri në dukje TikToker-ja. Përveç kësaj, ajo shpjegoi se dokumenti i identitetit tregon se çfarë roli luan ajo në jetën e tij dhe në rastin e Georgina-s asaj do t’i jepej titulli “skllave”.

Sipas ekspertëve, kjo rrjedh nga kuadri ligjor në Arabinë Saudite i cili është i lidhur ngushtë me praktikimin e Islamit. Georgina dhe Ronaldo nuk janë zyrtarisht të martuar që do të thotë se ajo duhet të regjistrohet si ‘dora e djathtë’ e tij, nëse duan të jetojnë së bashku.

Epo ajo fytyra e vrenjtur e Georgina Rodriguez teksa Cristiano Ronaldo u prezantua si lojtar i skuadrës arabe Al Nassr, nuk ishte kot. Si duket modelja e paska ditur që ky vendim do të sillte shumë probleme në mënyrën e saj të jetesës.