Një aksident i rëndë me pasojë vdekje ka ndodhur në orët e para të mëngjesit kësaj të hëne në autostradën Qafë Kashar.
Si pasojë e aksidentit ka ndërruar jetë 25 vjeçari Gëzim Muçaj, gjatë kohës që po transportohej për në spital, ndërsa 3 të aksidentuarit e tjerë ndodhen tek Trauma në gjendje të rëndë shëndetësore: Eduart Ripa 61 vjeç, Ervin Qira 40 vjeç dhe Shkëlqim Doci 65 vjeç.
Sa i takon rrethanave të aksidentit, sipas burimeve, 3 të aksidentuarit dhe viktima kanë qenë në një furgon duke shkuar për punë në Palasa, ku drejtuesi i mjetit ka humbur kontrollim dhe është përplasur me trafik ndarësen.
Në momentin që kanë dalë të shohin dëmtimet e furgonit, një mjet tjetër ka ardhur me shpejtësi dhe i ka përplasur.
Njoftimi i Policisë:
Rreth orës 05:05, në autostradën “Tiranë-Durrës”, shtetasi G. M., rreth 28 vjeç, duke drejtuar automjetin, ka humbur kontrollin mbi drejtimin e tij dhe si pasojë automjeti është përplasur me trafikndarësen.
Pasi ka dalë dalë nga automjeti, bashkë me 3 pasagjerët, gjatë kohës që qëndronin në rrugë, ata janë përplasur nga automjeti me drejtues shtetasin I. L.
Për pasojë, shtetasi G. M. ka humbur jetën, ndërsa 3 pasagjerët e automjetit të tij janë dërguar në spital, për mjekim.
Shtetasi I. L është shoqëruar në Komisariat, për veprime të metejshme proceduarale.
Grupi hetimor vijon punën për sqarimin e rrethanave të aksidentit.
