TURQI- Një ngjarje e rëndë familjare ka ndodhur në Turqi pasi një vajzë 3-vjeçare është vrarë nga i dashuri i mamasë së saj.
Vogëlushja e cila i kishte prindërit e ndarë, jetonte me nënën e saj kur kjo e fundit u njoh me një burrë tjetër duke filluar të jetonin bashkë. Buk dihen ende arsyet por, vajza e mitur dhe motra e saj një vjeçe e gjysmë kishin humbur dhe nëna kishte dalur në një studio televizive duke kërkuar gjetjen e vajzave të saj.
Pas shumë kërkimeve nga policia, vajza e vogël u gjet e gjallë dhe mbahej nga shoku i të dashurit të nënës, kurse vajza e madhe u gjet e vdekur dhe trupi i ishte futur në pjesën e ngrirjes së një frigoriferi.
Policia arrestoi dy burra që dyshohet se kishin lidhje me nënën e vajzës. Ata morën dy vajzat peng për të detyruar nënën të prostituonte. Ekspertiza zbuloi se vogëlushja ishte vrarë duke u goditur në trup pa mëshirë.
Ndërkohë, gjatë ditës së sotme u bë varrimi i vajzës së quajtur Lina. Gjatë ceremonisë në Gaziantep, babai i saj nuk mundi t’i mbajë lotët dhe një moment i hodhi xhupin mbi arkivol duke thënë se kështu vajza e tij nuk do të kishte ftohtë.
“Tani nuk do të kesh më ftohtë”, ka thënë babai i 3-vjeçares.
