Robert Lewandowski e ka fituar çmimin ‘Golde Player’ (Lojtari i Artë) për vitin 2021, që jepet nga Tuttosport.

Sulmuesi polak po dhuron spektakël edhe në këtë edicion me Bayern Munichun, derisa në sezonin e kaluar ishte edhe më magjik. Kështu, Tuttsporti ka vendosur që Lewandowski të fitojë çmimin e ‘Lojtarit të Artë’ duke mposhtur Jorginhon dhe Lionel Messin.

Polaku në edicionin e kaluar shënoi mbi 50 gola dhe ky çmimi natyrisht se u rezervua për të.

Ai po ashtu është edhe në garë për Topin e Artë, por që ka një konkurrencë edhe më të ashpër.