SKOCI- Një tregtar droge, i cili u kap duke kontrabanduar kanabis me vlerë 100,000 paund në Skoci, është dënuar me tre vjet burg. Robert Sulollaraj, po udhëtonte nga Newcastle në Glasgow kur policia rrëzoi makinën në M74 pasi u shqetësua për drejtimin e çrregullt. Por kur oficerët iu afruan Volkswagen Golf-it ata u ‘mbytën’ nga era e kanabisit. Një kontroll zbuloi çanta blerjesh që përmbanin 9.7 kg drogë të klasës B, e cila sipas ekspertëve do të vlente 97,000 £ në vlerën e rrugës.
Në posedim të shqiptarit Sulollaraj iu gjetën gjithashtu dy celularë dhe një leje drejtimi false. Një iPhone u analizua nga oficerët të cilët zbuluan një varg mesazhesh me tekst, foto dhe video që e lidhin atë me tregtinë e drogës. Përdoruesi i vetë-rrëfyer i kanabisit Sulollaraj, mohoi çdo keqbërje dhe doli në gjyq në Gjykatën e Sherifit Hamilton. Ai këmbënguli se kishte udhëtuar në Skoci me kushëririn e tij 25-vjeçar për të blerë një makinë të re dhe nuk kishte vënë re asnjë erë në automjet.
Ai u shpall fajtor edhe për posedimin e patentë shoferit fals. Sherifi Alasdair MacFadyen e burgosi për tre vjet dhe gjithashtu e skualifikoi nga drejtimi i makinës për dy vjet. Sulollaraj, i cili tha se pinte duhan deri në katër paketa në ditë, këmbënguli se nuk e kishte idenë se kishte drogë në makinë.
“Kur u kontrollua makina, dëgjova oficerin e policisë duke thënë ‘bingo’. Nuk e besova sepse nuk dija për drogën. Kisha tymosur kanabis, por nuk e dija se kishte kanabis në makinë dhe nuk ndjeja erë asgjë përpara se policia të më thoshte se ishte aty”, tha ai.
