Qeveria gjermane ka vendosur që t’ju bëjë dhurata të gjithë atyre që mbushin 18-vjeç në vitin 2023. Ministria e Financave në bashkëpunim me atë të Kulturës kanë vendosur t’u dhurojnë nga 200 euro 18-vjeçarëve. Nisma e qeverisë gjermane parashikon që paratë e dhuruara të shpenzohen në evente kulturore.

Kulturpass(dhurata) prej 200 € do të vihet në dispozicion për të gjithë 18-vjeçarët dhe ka dy synime: të inkurajojë të rinjtë të përjetojnë kulturë të gjallë dhe të heqin dorë nga zakonet e pandemisë së qëndrimit në shtëpi si dhe t’i japë një shtysë financiare skenës së artit, e cila ende nuk është rikuperuar nga bllokimet e përsëritura.

Ministrja gjermane e kulturës, Claudia Roth, e përshkroi pasaportën kulturore si “ekuivalentin e një dhurate për ditëlindje” për 750,000 personat që do të mbushin 18 vjeç në 2023. Ministri i financave, Christian Lindner, e përshkroi lejen si “kapital fillestar kulturor” që marrësit e tij mund ta përdorin brenda një periudhe dyvjeçare për gjithçka, nga biletat e teatrit dhe koncerteve te librat apo muzikën.

Platformat online si Amazon dhe Spotify janë përjashtuar nga skema, e cila vendos një theks në organizatat më të vogla, shpesh lokale, si kinematë e pavarura dhe libraritë. Blerjet individuale do të jenë të kufizuara në vlerë për të parandaluar dikë që të përdorë kuponin për të blerë, për shembull, një biletë të vetme koncerti për 200 €.